LAOAG CITY – Nagballaigi dagiti otoridad a nangtiliw ti maysa a wanted person iti Ilocos Norte.
Segun ken ni Police Capt. Jackson Sugayen, ti chief of police iti ili ti Banna, natiliw da ti akusado iti Barangay Poblacion, Aringay, La Union.
Inlawlawag ni Sugayen a natiliw ti agtawen ti 37 a babai a maibilang a wanted person ditoy probinsya babaen ti bileg ti maysa a warrant of arrest nga inparuk-at ni Judge Manuel Argel Jr., presiding judge iti Regional Trial Court Branch 55 ditoy probinsya gapu iti kaso na nga estafa.
Nairekomendar ti 40 a ribo a pisos pagpiyansa ti akusado para iti temporaryo a pannakawaya-waya na.
Ti akusado ket residente iti Barangay San Roque East, Agoo, La Union.
