LAOAG CITY – Inyistoria ti maysa a Viginia doctor ti saan a gagangay nga istoria no sadinno maysa nga aldaw a nagriing daytoy nga adda paniki a nanggandat a sumrek iti ngiwatna.
Kuna ni Dr. Krista Edelman, maysa a Richmond gastroenterologist nga iti tagtagainepna, adda maysa a “cute little field mouse” ket idinto a naggandat daytoy a sumrek ti ngiwatna.
Nagriing daytoy ken kinapana ti ngiwatna ken nakariknana nga adda paniki ti ngiwat na.
Gapu iti daytoy, nagikkis ni Edelman a nakariingan ti asawana a nangtiliw ti paniki.
Kabayatanna, intugot ni Edelman ti paniki iti emergency room.
Basar ken ni Dr. Adam Landsee, assistant medical director iti St. Mary’s Hospital nga umno ti inaramid ni Edelman nga agturong ti emergency room nupay saan daytoy a mamati a nakagat ti ayup.
Kunana a babasit ti ngipin ti paniki no sadinno saan a marikna no nakagat ti maysa nga indibual wenno saan ken no adda rabies ket narisgo ti pannakaagas.
Naamoan a ti paniki ket negative iti rabies.
