LAOAG CITY – Balligi a naarestar dagiti otoridad ti maysa a babai ditoy ciudad ti Laoag gapu iti kaso a panagtakaw.
Nabigbig ti suspek a ni Marjorie Sanguir Masaranga, agtawen ti 29, awanan asawa ken ken residente iti Brgy. 3 ditoy ciudad.
Segun ken ni Police Staff Sergeant Seymour Belarmino, duty desk office ti Philippine National Police ditoy ciudad ti Laoag, naarestar ti nasao nga indibidual babaen ti bileg ti warrant of arrest nga inparuk-at ni Hon. Khristy Ahn Queja Rivera, presiding judge ti Regional Trial Court iti ciudad ti Laoag.
Innayonna nga adda ti naipaay a pagpiansa a P18,000 para temporaryo pannakawaya-waya na.
Inpakaamnona a naarestar daytoy iti Northern Gate iti St. William Catheral nga asideg iti Laoag Elementary School bisinidad ti Brgy. 14 ditoy ciudad.
Kabayatan ti operasion ditoy a narekobre manipod iti suspek ti maysa a sling bag nga agmaris ti asul, dua a medium heat sealed transparent plastic sachet a naglaon ti maipagarup a shabu, maysa a lighter, 10 pesos ken sumagmamano a personal belongings.
Innayonna a ti nakumpiskar a droga kenkuana ket agdagsen ti 1.3 grams nga addaan ti standard drug price a 8,840 pesos, rason a sumango pay ti suspek iti kaso a panaglabsing iti Republic Act 9165.
