LAOAG CITY – Kinumpirmaran ni Police Captain Eddie Suyat, ti chief of police ti PNP-Paoay ti pannakalmes a puon ti nakatayan ti maysa a lalaki iti nasao nga ili.
Nabigbig daytoy a ni MaximinianoLigsay, agtawen ti 63, balo, mannalon ken residente iti Barangay 16 iti nasao nga ili.
Segun kenni Suyat, iti bigat kalman ket napan ti biktima iti irigasyon tapno agala ti ikan ken tukak.
Basar iti imbestigasyon da ket adda iti impluwensya iti nasanger ti biktima ken bayat nga adda iti irigasyon ket naipulipol ti saka na iti us-usaren na nga iket wenno fish net a pagala ti ikan, ken mabalin a natulid a puon ti nakalmesan na.
Kuna ni Suyat nga idi nakita ti biktima ket nakapulipol pay laeng ti iket iti saka ti lalaki.
Innayon na a basar ti panangeksamin ti doktor iti nasao nga ili ket natay ti biktima gapo iti pannakalmes na.
