LAOAG CITY – Nagsagaba ti sugat ti maysa a barangay tanod iti Barangay Bato iti ili ti Badoc kalpasan a nabagkong.
Nabigbig ti biktima a ni Fernando Zamora, agtawen ti 45 idinto a ti suspek ket ni Vicente Estabillo, agtawen ti 78, maysa a mannalon, agpada a residente iti nasao a baarangay.
Basar iti imbestigasyon ti Philippine National Police iti ili ti Badoc, inyangaw ti biktima nga iyarmar ti bato agingga a naaddaan da ti nabara a diskusyon.
Gapo iti daytoy, binagkong ti suspek ti buksit ti biktima ken dagus a naitaray iti Ilocos Sur District Hospital iti ili ti Sinait para iti naan-anay a pannakataming na.
Natiliw met ti suspek ken nakumpiskar ti immuko nga inusar na.
Kabayatanna, agtultuloy met ti imbestigasyon ti Philippine National Police seknan iti nasao nga insidente ken ti pannakaipila ti reklamo kontra iti suspek.
