LAOAG CITY – Nagballigi ti search warrant operation gapu iti panaglabsing ti Republic Act (RA) 10591 wenno Illegal Possession Of Firearms And Ammunitions nga inyuswat ti Philippine National Police (PNP) gap iti Barangay Naguirangan iti ciudad ti Batac.
Daytoy ket iti baet nga awan iti pagtaengan da ti subject ti operasyon a ni Keizer Ed Abon y Maligsay, addaan iti umno a tawen, awanan ti asawa ken residente iti nadakamat a barangay.
Segun ken ni Police Lt. William Sotelo, ti Deputy chief of police iti ciudad ti Batac, naipalaon iti search warrant operation a sukimaten dagiti otoridad iti balay ti subject ti maysa a Caliber 9mm pistol, nagduduma a klase ti bala ken ti maysa a revolver 38 a paltog.
Inbatad ni Sotelo a nakarekobre da iti kwarto a mismo ti suibject ti operasyon iti maysa a caliber 38 a paltog nga addaan ti tallo a bala a naikabil iti nangisit a pouch bag a napandagan iti foam ti pagiddaan na.
Inpakaammo ni Sotelo a nagaplikar da ti search warrant iti korte kalpasan nga adda dagiti naidanuin kadakuada a report a no mabartek ti subject ti operasyon ket maipagarop nga agpapaputok ti paltog.
Ti operasyon ket inimatangan ti pannakabagi ti Department of Justice (DOJ), barangay officials ken kameng ti media.
