LAOAG CITY – Inistorya ti agtagikua ti maak-akusaran a carinderia ditoy ciudad ti Laoag a maipagarop a saan a nangpakan iti baket a customer da.
Segun kenkuana, kalpasan a napan naglako ti baket a ni Mrs. Alejandra Ruiz, taga ili ti Sarrat ket napan nangan iti carinderia da.
Nupay kasta, kuna na a ti nai-serve kenni Ruiz a makan ket saan nga isu ti order na rason nga innala met laeng ti empleado ti nasao a panganan ken inkabil na iti akin-order.
Gapo iti daytoy, kunana a nag-react ti baket ken inbabawi na ti kwarta na ken pimmanaw.
Ummuna iti daytoy, ado dagiti nangkondenar iti maipagarop nga inaramid dagiti empelado ti nasao a panganan kalpasan a naipost iti social media babaen ti saanen a nabigbig nga FB user.
Patyen ti agtagikua ti panganan a saan a naawatan ti nag-post ti pudno a napasamak ken kunana a rumbeng kuma a nagdamag nga ummuna.
Immapela met daytoy iti maseknan a nagpost nga ikkate na ti post na iti social media gapo ta mairamramanen ti pamilya ti baket.
