LAOAG CITY – Inpetteng ti maysa a dati nga spy ti China a maysa a Chinese spy ni dismissed Bamban Mayor Alice Guo.
Kinumpirmaran daytoy ti maysa a Wang Fugui ken ni Senator Risa Hontiveros.
Nupay kasta, inbatad ni Wang a maysa nga espiya ti China ni Guo ngem maipagrup a saan a maibilang isuna kas maysa nga espesyal.
Ni Wang ket kadua iti pagbalodan ni She Zhijiang, ti self confessed Chinese spy a maysa met a sentro ti maysa a documentary nga inruar ti Al Jazeera.
Inbutaktak ti Senate panel on women nga idadauloan ni Hontiveros iti maysa a zoom interview ken ni Wang, no sadinno a dinakamatna dagiti detalye maipanggep iti espoinage activities ti China.
Iti interview, sinaludsod si Wang no kasanona a maibaga a maysa nga spy ni Guo.
Inlawlawag ni Wang a ti linaon ti declassified file nga inlemmeng ni Mr. She ket adu ken ti iggemna laeng ket ti paset ti file nga adda iti babaen ti authorization-na.
Segun kenkuana, ni Guo ket espiya ti China, ngem saan daytoy a maitudo kas espesyal.
Kunana a nairana laeng nga adda ti kopya ti state security background ni Guo iti nasao a file.
