LAOAG CITY – Balligi a naarestar ti maysa nga indibidual iti naisayangkat nga anti-illegal drug buy bust operation iti Barangay 22 San Guillermo iti ili San Nicolas, partikular iti paset ti bypass road.
Nabigbig ti suspek a ni Arwelito Mantay, agtawen ti 37, naasawaan, construction worker, residente iti Barangay Mariquet iti ili ti Solsona, ngem agdama nga agnanaed iti boarding house na iti Barangay 1 ditoy ciudad ti Laoag ken tubo isuna idiay Davao del Sur.
Nakumpiskar manipud iti suspek ti maysa a plastic sachet ti mapappapati a shabu a nailako iti nagpammarang a polis-puseur buyer, sabali pay a heat sealed plastic sachet ti maipagarup a shabu ti naala manipud kenkuana ken maysa a one thousand peso bill.
Naglikodan met ti suspek a ni Mantay dagiti nakumpiskar manipud kenkuana ken kunana a naipabulsa laeng dagitoy.
Naammuan a ti suspek ket maibilang kas Street Level Individual.
Kabayatanna, manamnama a sumangu ti suspek iti panaglabsing iti Republic Act 9165 wenno Comprehensive Dangerous Drugs Act of 2002.
