LAOAG CITY – Natay ti maysa a construction worker kalpasan a nagbekkel iti ili ti Pasuquin.
Ti biktima ket agtawenti 44, naasawaan ken residente iti ili ti Pasuquin.
Segun kenni Pol Major Jhonvalle Maramag, ti chief of police iti ili ti Pasuquin, nakaawat da ti report nga adda ti nagpakamatay isut gapuna nga insigida da a nagresponde iti nasao lugar.
Iti inwayat da nga imbestigasyon, naduktalan ti kabsat ti biktima a nakabitin daytoy nga awanen ti biag na iti sirok ti poon ti salamagui iti likod ti pagtaenganda.
Rumrumwar nga ingalut ti biktima iti tengnged na ti tali a naylon nga intali na iti sanga ti kayo ti salamagui.
Segun kadagiti kabagian ti biktima, naminduan a ginandat ti biktima ti agpakamatay.
Naamoan nga iti panangeksamen ni Dr. Diophantos M Acob, Municipal Health Officer iti ili ti Pasuquin, iti biktima ket mapatta-patta a 2 agingga iti 3 nga oras a natayen ti biktima idi makita da.
Kabayatanna, inbatad ni Police Major Maramag nga awan ti makita da a foul play ti pannakatay ti biktima.
