LAOAG CITY – Inpetteng ni Mr. Andres Obien, maysa kadagiti jeepney driver iti ruta a Laoag-Batac-Paoay nga awan ti serbi na ti dua a pisos a nayun a plete.
Segun kenni Obien, saan met laeng a makatulong daytoy nangruna ket agtultuloy met ti panagngato ti presyo dagiti produkto a petroyo.
Inlawlawag na nga uray adda ti dua a pisos a pagngatoan daytoy ket saan da nga ipatungpal gapo ta awan ti serbi na.
Dinakamat na a makammo lattan ti LTFRB a mangsolbar iti agdama a problema iti sektor ti transportasyon.
Maipalagip a pinatgan ti LTFRB ti kiddaw dagiti sumagmamano a transport groups a manayunan ti dua a pisos a plete no sadinno nga iti traditional jeepney ket 11 a pisos ti minimum fare idinto a ti modern jeepney ket 13 a pisos, epektibo ita nga aldaw, Hulyo 1.
