LAOAG CITY – Naarestar ti maysa a Filipina nars babae kadagiti federal immigration agents iti Phoenix Sky Harbor International Airport.
Segun iti GoFundMe campaign nga inorganisar ti boyfriend ti Filipina ket awan ti criminal record-na, bayat a kinuna ti pamiliana a saanda nga ammo no apay a naarestar daytoy.
Kinuna pay ti pamiliana a valid ti work permit-na ken legal nga agtrabtrabaho daytoy kas nars iti acute-care telemetry unit iti maysa nga ospital idiay Phoenix sakbay a naala isuna iti kustodia ti US Immigration and Customs Enforcement (ICE).
Iti update a makita iti GoFundMe page, kinuna ti boyfriend-na a naituding ti court hearing-na para iti immigration case-na iton Setiembre 4.
Kabayatana, agingga ita, awan pay ti opisial a rakurak manipud iti Philippine Consulate General idiay Los Angeles maipapan iti nasao a kaso.
