LAOAG CITY – Dinayaw ni Pope Leo iti babaen ti panagbitlana idiay Estados Unidos, ti pakasaritaan ti Amerika iti panangawatda kadagiti imigrante ken kunana nga agbiag kadagiti ideal ti Declaration of Independence a kas ti panagkaykaysa, hustisia ken talna.
Dati a binabalaw ti Santo Papa ti patakaran ti imigrasion ni Presidente Donald Trump a kas saan a makatao, ken kinunana a ti balikas nga Amerika ket nagbalin a kapada ti wayawaya gapu kadagiti imigrante.
Saan met a dinakamat ni Trump iti bitlana, ngem pinaregtana ti U.S. nga agkaykaysa ken mangipasa kadagiti linteg a mangbigbig ken mangsalaknib iti biag manipud pannakaitao agingga iti natural nga ipapatay.
Inpaay ti Santo Papa ti mensahe manipud iti Vatican bayat ti panangawatna iti Liberty Medal manipud iti National Constitution Center sadiay Philadelphia.
Daytoy met ti umuna a nasional a video address-na idiay Estados Unidos manipud idi nagbalin a papa idi Mayo 2025. Maysa nga aldaw kalpasan dayta, agbiahe idiay Lampedusa, maysa nga isla ti Italia a pagaammo gapu kadagiti napeggad a ruta ti panagakar.
