LAOAG CITY – Nakaaramid manen ti serial Guinness World Record-breaker nga addaan ti 200 titles ti sabali a titulo babaen ti panagaramid na ti 415 paper airplanes iti uneg laeng ti maysa nga oras.
Ni David Rush manipod iti Idaho, nga addaan ti kaadoan a Guinness World Records titles, ket nagaramid kadagiti paper airplanes iti racquetball court iti YMCA iti Boise, Idaho, para iti nasao a titulo a “most paper aircraft made in one hour”.
Inbatad ni Rush nga adda ti inpaay ti record-keeping organization nga istrikto a pagannurutan a sinurot na ti kas ti 7-fold process tapno maaramid na ti kada paper plane.
Maragsakan ni Rush gapu ta kinabaelan na ti nakaaramid ti 415 a paper airplane iti uneg ti 60 a minuto no sadinno a naaramid na ti kada paper airplane iti 8.67 a segundo.
