LAOAG CITY – Napagasatan a nangabak ti maysa a lalaki iti Maryland a saan laeng a naminsan no diket namindua a $50,000 manipud iti scratch-off lottery ticket iti baet ti 11 a tawen a naudi a nangabak daytoy idi tawen 2015.
Kuna ti lalaki a gimmatang daytoy ti $5 Multiply Your Money a ticket manipud iti Brother Liquors on Old Fort Road iti Fort Washington ken in-scratch-na wenno kiniskisna ti ticket iti mismo a paggatangan ket ditoy a naammoanna a nangabak daytoy.
Daytoy ket nangabak ti napalabas iti $50,000 iti Diamonds and Dollars scratch-off idi Hulio 2015.
Kunana nga inusarna idi dagiti dadduma a napangabakanna tapno gumatang ti baro a lugan ken ti dadduma ket adda iti bangko.
Innayonna a ti baro a premio ket para iti home improvement project ken pangtulong iti maysa a miembro ti pamilia ken ti mabati ket mapan iti bangkona.
