LAOAG CITY – Nakigtot ti maysa a babai kalpasan nga adda ti kellaat a nanggammat iti barukong na bayat a nakalugan ti motorsiklo idiay ili ti San Nicolas.
Nabigbig ti biktima a ni Jessa Mae Tambua, 23, naasawaan ken residente iti Barangay 3, San Ildefonso iti nasao nga ili.
Basar iti palawag ti biktima, bayat a nakalugan ti motorsiklo iti paset ti Barangay 1 San Francisco iti nasao nga ili ket kellaat lattan ginammatan ti lalaki a naka-jersey ken kasabat na ti barukong na.
Naamoan a kalpasan dayoy ket nag-U turn ti lalaki ken nagturong iti nagpaabagatan a direksyon.
