LAOAG CITY – Kinettel ti agtawen ti 33 a lalaki ti biagna iti ili ti Paoay.
Basar iti imbestigasyon ti Philippine National Police iti ili ti Paoay, bayat iti panagturong ti kabsat a lalaki ti biktima iti trabaho na ket nakita na daytoy a nakabitin iti kayo ti manga a maipagarop nga awanen ti biagna.
Mapatta-patta nga uppat a metro ti kangato ti nangibitinan ti biktima ti bagina manipod iti daga babaen ti panagusar na ti tali.
Gapu iti daytoy, dagus a nagpaarayat ti kabsat ti biktima tapno maibaba da, no sadinno nga iti panagresponde dagiti paramedics babaen ti panangidaulo ti Municipal Health Officer ket indeklarar da a pimmusayen.
Awan ti nakita dagiti otoridad a foul play iti pannakatay ti biktima.
Mamati ti pamilya ti biktima a ti nangiduron kenkuana a nagkettel ti biagna ket possible a depresyon gapu iti panagsina da iti nobya na.
