Naarestar ti maysa a lalaki iti naiyuswat a drug buy-bust operation iti Brgy. Escoda iti ili ti Marcos.
Ti suspek ket agtawen 67, naasawaan ken mannalon, a residente ti isu met laeng nga ili.
Segun iti report ti Ilocos Norte Police Provincial Office (INPPO), nakumpiskar iti 1 gram a marijuana dried leaves, Php1000.00 a pisos a nausar kas buy-bust money, maysa a Php20.00 bill, mays a Php20.00-coin, ken nagduduma pay a gamit ti suspek.
Kabayatanna, mannarimaan ti pannakailipa ti kaso a panaglabsing ti Sections 5 and 11, Article II of RA 9165 kontra kenkuana.
