LAOAG CITY – Nabirokan dagiti otoridad ti maysa a lalaki nga awanen ti biag na iti igid ti baybay, paset ti Sitio Liwliwa iti Brgy. Caunayan iti ili ti Pagudpud.
Inbatad ni PMaj. Jomar Andres, hepe ti Philippine National Police Pagudpud nga iti inisyal a panagibestigar da ket posible a naatake ti biktima gapu iti kapudot ti panawen.
Kuna na gapu iti daytoy ket mabalin nga isu ti nangitunda ti pannakalmes ti biktima agingga a naisadsad iti igid ti baybay.
Agpapan a maisursurat ti damag ket inpakaammo ni Andres a saan pay a nadeterminar dagiti otoridad ti pakabigbigan ti biktima ken agtultuloy ti naan-anay nga imbestigasyon ti Scene of the Crime Operatives.
Naamoan met a manariaan ti panagpagpagna ti biktima sakbay a napasamak ti posible a pannakaatake na.
…developing story…
