LAOAG CITY – Nakumpirmaran ti Bombo Radyo Laoag iti panagturong na iti Barabar Elementary School seknan iti reklamo nga adda ti makolkolektar a kontribusyon manipud kadagiti Grade 2 pupil a paggatang ti aircon.
Ummuna iti daytoy, mairekreklamo ni Ms. Angelita Juan, ti adviser ti Grade 2 gapo iti panagkolektar na ti kontribusyon.
Nupay kasta, inlawlawag ti PTA class president ken ti treasurer a saan nga ammo ni Juan gapo ta isuda laeng ti nagtutulag.
Inbatad pay dagitoy a ti nasao nga addang da ket saan a mandatory ken no mano laeng ti maited ti maysa nga estudyante ket awaten da.
Mainaig iti daytoy, naamoan nga addan ti ummuna a nakolektar para iti aircon a 26 a ribo a pisos ngem saan a naipatungpal daytoy gapo iti pandemya.
Inpetteng dagitoy a napagnunumoan da babaen iti group chat da iti Messenger a nayunan da ti kantidad tapno makagatang dagitoy.
Kabayatanna, ummunan nga inbatad ni Juan a saan nga isuna ti nangidasar iti daytoy ken kuna ti principal a damo laeng isuna nga agtugaw kas mangidaulo iti nasao a pagadalan.
