LAOAG CITY – Naminpinsan a nauram ti maysa a pagtaengan a kukua ni Mr. Benito Simon iti paset ti Sitio Natdek, Barangay Balatong ditoy ciudad ti Laoag.
Emosyunal met nga inistorya ni Simon iti Bombo Radyo ti nagbanagan ti pagtaengan da kalpasan ti nasao nga uram.
Segun kenni Simon, nagpaarayat kenkuana ti balasitang nga anak na a nabati ti pagtaengan da rason a dagus a nagawid.
Inlawlawag na nga idi nakita nan a maur-uram ti balay da ket ginandat na nga isalbar dagiti arwaten da ngem gapo iti kadakkel ti apoy ket rimwar a dagus tapno saan a madangran.
Malidayan ni Simon gapo ta amin a ramramit da pakairamanan dagiti badbado, appliances ken ti kabarbaro a gitara ket karaman kadagiti dimmapo.
Kinumpirmaran met ni Simon a manarimaan ti panagluto ti maysa kadagiti annak na nga isu ti patyen na a nangrugyan ti uram.
Agtultuloy met ti imbestigasyon dagiti kameng ti Bureau of Fire Protection (BFP) no anya ti namunganayan ti uram.
Iti agdama ket awan pay ti balor dagiti nauram a kagamitan ti pamilya Simon.
