LAOAG CITY – Inpetteng ni Atty. Ferdinand Ignacio iti ili ti Paoay a ti nangikabilan da ti poster ti maysa a partido ket indesignar ti comelec officer iti nasao nga ili.
Segun kenni Ignacio, simmurot da iti linteg ket datin nga iti plaza nga asideg iti simbaan ti pangikabkabilan dagiti kandidato kadagiti poster da no dumteng ti panagpipili.
Immuna iti daytoy, naamoan da nga iparit ti simbaan nga agikabil da ti poster iti nasao a lugar gapo ta maipagarop a kukua daytoy ti simbaan.
Inbatad na a basar ti panagsarita da iti representative ti simbaan iti nasao nga ili ken inbaga ti maseknan a masapol nga ikkaten da ti poster ti partido.
Kunana nga inbatad pay ti simbaan a no saan da nga ikkaten ti naikabil a poster ti partido ket isudan a mismo ti mangikkat iti daytoy.
Inadmitir na a madi ti rikna na iti daytoy a banag gapo ta ammo da a simmurot da iti linteg.
