LAOAG CITY – Inistorya ni Mr. Sherwin Damo iti Barangay 38-B, Mangato ditoy ciudad ti Laoag ti nagbalin a kapadasan na iti Gov. Roque Ablan Sr. Memorial Hospital.
Segun kenni Damo, napan iti ospital idi rabii tapno agdamag no kasano ti proseso ti panagpacheck up gapo ta masikog ti asawa na ngem inbaga ti nakaduty nga agsubli itay parbangon nga isu ti inaramid na.
Inlawlawag na nga itay pasado alas-kwatro ti parbangon ket nakadanon iti ospital ken agpailista ngem maipagarop nga inbatad ti nakaduty iti front desk a kumpleton ti 40 nga indibidwal a mabalin a maakumudar a makunsultar.
Kunana a ditoy a naaddaan da ti sangkabassit nga argumento ken maipagarop nga inbaga ti empleado ti ospital a dagiti umun-una ngem ni Damo ket nagpailista iti alas-dose wenno ala-una ti parbangon.
Inakusaran pay ni Damo ti empleado a nagunget ken insawang na a dagiti taga ditoy ciudad ti Laoag ti maud-udi a mapan agpailista saan a kas kadagiti adayo ti naggapwan na.
Inbatad na a gapo ta parbangon ti panagpailista dagiti dadduma a maakumudar a makunsultar ket maipagarop a naibaga na a nagsalungasing dagitoy iti curfew hours.
Nupay kasta, kuna ni Damo a maipagarop a pimmanaw ti nakaduty iti front desk, pimmanaw ken nagsao-sao.
