LAOAG CITY – Maysa a bassit a chicken pot restaurant iti Foshan, Guangdong, China ti nag-viral gapu iti sabsabali nga approach ti akikukua a ni Uncle Mo.
Namunganay daytoy kalpasan nga bimmisita ti maysa nga influencer a ni Lui Yuxin.
Iti video, kuna ni Uncle Mo a no ag-viral ti video ken umadu ti customers ket saanna a kabaelan ti mangmanehar ti negosiona. Idinto a nakagun-od ti sumurok 1.69 million likes ken 93,000 comments ti nasao a video.
Kalpasan daytoy a nag-viral, nangiparuk-at ni Uncle Mo ti videos tapno saan a maallukoy dagiti tao nga umay gumatang iti restaurant-na kas ti panangibaga a makapasakit ti boksit ti lutoda ken agus-usarda ti frozen chicken ngem makita iti video nga addo ti tarakenda a manok.
Kabayatanna, saan a nagballigi ni Uncle Mo ti naminadu a wagas ken daras tapno malappedan ti panagumay ti tattao ken ad-adda pay nga immado pay ti customers nga ummabot ti 6,000 agingga 8,000 a daily traffic.
