LAOAG CITY – Balligi ti naiyuswat a drug buybust operation iti maysa a security gaurd iti Barangay 1 iti ili ti San Nicolas.
Nabigbig ti subject ti operasyon a ni Mr. Julivic Reyes, agtawen ti 35, maysa a security guard iti maysa a pasdek iti ili ti San Nicolas ken residente iti Barangay Pacifico iti ili ti Marcos.
Nagatang ti nagpammarang a posuer buyer ti maysa a dakkel a sachet ti maipagarop a shabu ken maysa a sachet ti maatap met laeng a shabu ti naala iti ikot na.
Naglikudan met ni Reyes a saan a naglako ti iligal a droga.
Inpetteng ni Reyes nga iti panagbaba na manipud iti maikadua a kadsaaran ket adda ti nagdamag kenkuana no anya ti nagan na kalpasan ket inpalikodan na dagiti dua nga ima na ken inakusaran na nga adda ti naipabulsa kenkuana.
Kunana nga awan ti maibaga na a mangpaneknek nga awan ti aramid na gapo ta maymaysa na iti ayan na a nakaduty.
Mainaig iti daytoy, inbatad ni Police Lt. Emmanuel Antonio, team leader ti RDEU a ni Reyes ket adda iti listaan ti provincial level ti drug watchlist ken miembro ti Viloria drug group nga agop-operar ditoy probinsya.
Inbatad na nga iti ili ti San Nicolas ti paglaklakoan ni Reyes ti iligal a droga.
Naamoan a nasurok makabulan a sinipsiputan ti PNP ni Reyes sakbay da nga inyuswat ti operasyon.
