LAOAG CITY – Patien ni Mrs. Norma Bitagon, maysa a Senior Citizen iti ili ti San Nicolas a nasaysayaat no agtalinaed a 60 ti tawen ti maibilang a senior citizen.
Segun kenni Bitagon, no maibaba iti tawen a 56 ti maikonsiderar a senior citizen ket umado manen ti bilang dagitoy ken maysa kadagiti concern na ket ti benipisyo a maited kadagitoy.
Inpetteng na a ti masapol kuma a a matutukan ket ti nabayagen nga ur-urayen dagiti amin a senior citizen a panagpensyon da iti laksid ti estado dagitoy.
Rakurak daytoy ni Bitagon iti kalikagom n Sen. Bong Revilla a maibaba ti tawen ti maibilang a senior citizen nangruna ket bumabbaba met ti tawen dagiti maad-addaan ti sakit.
