LAOAG CITY – Nakasublin iti detension iti Senado ti contractor a ni Pacifico “Curlee” Discaya kalpasan a dimmalan iti operasion iti napalabas a lawas .
Kinumpirmaran ni Senate Secretary Mark Llandro Mendoza nga itay bigat ket nakasublin iti Senado ni Discaya.
Inbatad ni Mendoza a nagbalin a nasayaat ti operasion ni Discaya ken na-clear metten daytoy dagiti doctor ken itultuloy laengen ti panagpaimbagna iti detension daytoy.
Maipalagip a naiataray iti ospital ni Discaya tapno dumalan iti surgery gapu iti ang-angalenna a sakit.
Ni Discaya ket nakabalud iti Senado kalpasan nga ipa-contempt ti Senate Blue Ribbon Committee iti baet ti imbestigasion iti maanomalya a flood control projects.
