Naisayangkat ti 14th City 4-H Youth Camp iti City Agriculture Office iti Barangay Camanggaan ditoy siudad ti Laoag no sadinno a nagtitipon dagiti agduduma nga agtutubo manipud nagduduma a Barangay.
Gagem ti aktibidad para iti napinpintas a relasion ti tunggal maysa kangrunaan iti pannakaitandudo ti sektor ti agrikultura ken panagkalap, a napintas a mai-paadal ken maisuro kadagiti agtutubo.
Maisuro kadagiti campers maipanggep ti Leadership Training, Handicraft making, Mango Wine Making, Paper Charcoal Making ken nagduduma pay nga aktibidad.
Iwaywayat ti gobierno daytoy nga aktibidad babaen ti City Agriculture Office.
Malaksid iti daytoy, prioridad ti gobierno babaen ti administrasion ni Mayor James Bryan Alcid ti agtultuloy a pannakapadur-as ti agrikultura ken masustenar babaen iti panangipaadal kadagiti agtutubo.
