LAOAG CITY – Nabigbig kas ‘hero’ wenno bannuar ti maysa a taraken a ganso kalpasan a riniingna ti amona a pamilia iti Texas gapu iti uram iti ‘barn.’
Inbatad ni Bert Gerber, maysa a residente iti Fort Bend County, a manarimaan ti turogna iti sango iti telebision ket ditoy a nariing daytoy gapu iti uni ti tarakenda a ganso nga agnagan ti Goosey.
Babaen iti security camera iti pagtaengan, nairekord ti napigsa a panaguni kabayatan a mapupuoran ti ‘barn’ iti likud ti pagtaengan.
Gapu iti daytoy, nasebseban ni Gerber ti puor ken nakaruar ken natalged met dagiti ayup iti uneg ti barn.
Kuna ni Gerber ken ti asawana a ni Chelsea a naikabil koma dagitoy iti peggad no saan a gapu ken ni Goosey.
