LAOAG CITY – Kinumpirmaran ni Police Lt. Col. Rafael Lero, ti chief of police ti PNP-Laoag a pimmusay ti biktima ti pammaltog iti Guerrero St. bisinidad ti Barangay 19 ditoy ciudad.
Segun kenni Lero, ti biktima ket maysa a tricyce driver ken pimmusay bayat a matamtaming iti Gov. Roque Ablan Senior Memorial Hospital.
Iti inisyal nga impormasyon a nakalap ti Bombo Radyo Laoag, ti biktima ket nakalugan iti trcicyle nga addaan ti plate number a 1057-12 idi kellaat nga adda ti nagsardeng a nakalugan ti Mio Motorcycle nga agmaris ti nangisit ken maipagarop a pinaltogan na ti biktima.
Naamoan a ti tricycle ket nakaparking iti sangwanan ti maysa a pagtaengan idi napasamak ti pammaltog.
Agtultuloy ti naun-uneg nga imbestigasyon dagiti otoridad ti napasamak a pammaltog ken tapno maamoan ti motibo daytoy.
