LAOAG CITY – Maisagsaganan ti kaso a maipila panagsalungasing iti RA 9165 wenno Comprehensive Dangerous Drugs Act of 2002 a kontra iti maysa a baket kalpasan a natiliwan a naglako iti maipawil a droga iti maysa a kameng ti PNP iti ili ti San Nicolas.
Nabigbig daytoy a ni Carmen Alcantara, agtawen iti 63, balo, awanan trabaho ken residente iti Bgy. 16 San Marcos iti nasao nga ili.
Naamuan a ti nasao a suspek ket “repeat offender” ken adda iti “drug watchlist”.
Maipalagip a natiliw ti suspek bayat ti anti drug buy bust operation a nakaalaan iti ikot na ti maysa a bassit a plastic sachet a naglaon iti maatap a shabu nga agbalor iti 500 a pisos.
