LAOAG CITY– Inadmitir ni Barangay Chairman Nelson Ballesteros iti Barangay 14, Sarrat, Ilocos Norte a marikna dan ti panagkisang ti danom iti barangay da.
Inbatad na a gapu ta awan ti nabuslon a pagpadanom da kadagiti mula da a mais ken tabako ket saanen a napintas ti buya ken produksyon da.
Inlawlawag ti kapitan a kalpasan laeng iti dua nga oras a panagpakunnot da babaen ti makina ket awanen ti rumuar a danom.
Innayon na a ti kangrunaan a problema da iti agdama ket ti kaawan payen ti suplay a danom a dumanon kadagiti balbalay da.
Nupay kasta, kuna ni Ballesteros nga adda met ti water system a proyekto ti munisipyo nga ituytuyang da kadagiti kabalbalayan iti barangay da.
