LAOAG CITY – Natay ti maysa a baro kalpasan a nagbekkel iti poon ti mangga idiay Barangay Navotas ditoy ciudad ti Laoag.
Nabigbig daytoy a ni Joven Mark Arcangel, agtawen ti 18 ken residente met laeng ti nasao a barangay.
Segun iti ina ti biktima a ni Mrs. Mary Dhel Arcangel, alas 2:30 itay parbangon a nakita na a nakabitin ti anak na iti poon ti mangga nga adda iti paraangan da.
Inbatad na nga awan ti ammo da a rason no apay naaramid ti anak na ti nagpakamatay.
Nupay kasta, kinumpirmaran na nga adda ti nabasa na a text ti anak iti maysa a babai nga ibagbaga na nga agpakamatay daytoy.
Saan a makumpirmaran ni Mrs. Arcangel no ti nagteksan ti anak na a babai ket nobya na wenno saan.
Kuna na a nakaragragsak a nakisarsarita ni Joven kadagiti kakasinsin na idi rabii isut gapu na a natalged da latta uray saan da a napasangpet.
