LAOAG CITY – Possible a sumango ti agsusukot na kaso ni Daymar Quintin, agtawen ti 29 a residente iti Brgy. Quiom iti siudad ti Batac.
Daytoy ti kinumpirmaran ni P/Supt. Marlon Paiste, hepe ti PNP Batac kalpasan a natiliw da iti naiwayat a checkpoint iti paset ti nasao a siudad.
Inlawlawag ni Paiste nga idi makita ti suspek a nakalugan iti motorsiklo ti checkpoint ti PNP ket kellaat nga inkurba na ngem naigalis.
Kuna na a nakemmeg da ti suspek kalpasan a kinamat-kamat da.
Kabayatanna, inbatad ni Paiste a nakita da iti uneg ti bag ni Quintin nga immatangan dagiti opisyal ti barangay dagiti imet na a drug paraphernalia.
Segun kenni Paiste, awan ti naipresentar ni Quintin a linsensya a nagmaneho ken papeles ti motorsiklo ken kinumpirmaran na a maysa a drug surenderee ken maibilang a drug user.
