LAOAG CITY – Naragsakan ni Mrs. Vilma Eda, city schools divison superintendent iti siudad ti Batac gapu ta maysa manen a menor de edad ti nangisubli ti sanikua iti agtagikua.
Daytoy ket kabayatan ti pannakaangay ti Region 1 Athletic Association Meet idiay siudad ti Vigan, probinsya ti Ilocos Sur.
Daytoy ket ni Christian Nel Beangan, estudyante ti Catalino Acosta Memorial Elementary School iti siudad ti Batac.
Segun kenni Eda, nabirokan ni Christian ti maysa nga sling bag a naglaon ti dua a cellphone ken nasurok 1,000 a pisos.
Dagus nga inpakaammo ni Christian iti maysa a mangisursuro ken ditoy nga iwaragawag na ti mapukpukaw a bag ken naisubli ti nasao a bag iti agtagikua.
