LAOAG CITY – Kinumpirmaran ni Barangay Chairman Rafael Jacinto iti Barangay 4 iti ili ti Pasuquin a pimmusayen ti nagpositibo iti covid-19 a kabarangayan na.
Segun kenni Jacinto, ti biktima ket maysa a senior citizen nga agtawen ti 64, maysa a court interpretener ken natay bayat nga adda iti ospital.
Inbatad na a ti pasyente ket nagpaot iti ospital iti agarop 45 nga aldaw sakbay a pimmusay.
Saan met a makumpirmaran pay iti agdama ni Jacinto no nakaalaan ti lakay ti virus ken awan pay ti pinal a desisyon no mai-cremate ti bangkay.
Naamoan a ti lakay ket datin a mapan agpapacheck up gapo iti maipagarop a sakit na.
Innayon na a naka-isolate met iti pataengan da ti asawa ti lakay ken ti kadua na ngem negatibo dagitoy iti covid-19.
