LAOAG CITY – Naiget a naglikudan ni Barangay Chairman Godfredo Madariaga iti Barangay 13, San Gabriel iti ili a Bacarra ti naidanun iti Bombo Radyo a reklamo kontra kenkuana.
Daytoy ket mainaig ti maipagarop a kanayun a panagpapainom na ti arak kadagiti agtutubo karaman dagiti annak na.
Segun pay ti naidanun a reklamo iti Bombo Radyo, apaman a mabartek dagiti maseknan ket maipagarop a makaringgor dan ken agpab-paburbor da ti motorsiklo a pakaistorboan dagiti kalugaran na.
Inadmitir ti kapitan nga adda ti panaggiinum da ngem iti uneg ti balay da ken awan ti agtutubo wenno menor de edad a kadwa da no di ket dagiti laeng nataengan a kabagyan na ti kadwa na.
Mamati ni Madariaga a ti agnagan ti Mary Anne nga asawa ti Ronald Padron ti nagreport gapu ta kinagura da ti panangireport na iti PNP ti panagubur ti lalaki itay kallabes.
