LAOAG CITY – Nagballigi ti inyuswat dagiti otoridad a drug buy-bust operation iti Barangay Paratong iti Paoay, Ilocos Norte.
Daytoy ti kinumpirmaran ni Police Senior Inspector Grandeur Tangonan, ti chief of police iti ili ti Paoay.
Segun ken ni Tangonan, naglako ti suspek a ni Henry Acantilado, agtawen ti 51 ti maysa a sachet a naglaon ti maipagarop a shabu iti kadwa da a pulis a nagpammarang a poseur buyer.
Malaksid ti maysa a sachet nga inlako ni Acantilado ket nakaala pay dagiti otoridad ti tallo a sachet a naglaon ti maipagarop a shabu iti ikot ti suspek.
Malaksid ti daytoy, adda pay ti nakumpiskar dagiti otoridad a maysa a caliber 38 a paltog manipud ken ni Acantilado.
Inbatad ni Tangonan a ni Acantilado ket newly identified drug personality iti ili ti Paoay.
Innayon na a ti suspek ket maipagarop a buribor iti barangay Paratong.
