LAOAG CITY – Nabagkong ti maysa a lalaki ti bukod na a kabsat idiay Sitio East, Brgy. 13, Libnaoan, Piddig, Ilocos Norte.
Nabigbig ti suspek a ni Lhionel Manuel y Alipio agtawen ti 31 awanan ti asawa, adaan ti live-in partner, driver/helper mango fruit dealer idinto a ti biktima ket ni Larry Manuel y Alipio, agtawen ti 28, awanan asawa, maysa a delivery boy, agpada a residente iti nasao a lugar.
Iti inisyal nga imbestigasuyon ti PNP Piddig nga idadauloan ni P/SInsp. Jephre S. Taccad, nagginum dagiti agkabsat kadua da dagiti kasinsin da a da Marcelino Gorospe, Alwin Co kenni Dennis Abes, idi ta timpuar ti saan a panagkinnawatan dagiti agkabsat.
Nagawana ti ama da a ni Wilfredo Manuel ngem saan a nagpakaanawa ti suspek gapu ta nangala ti imuko nga agatiddog ti 9 a pulgada ket binagkong na ti kabsat na.
Nasugatan ti bukot ti biktima idinto a dagus a nagtaray ti suspek iti saan nga ammon a direksiyon.
Inaitaray ti ama ti anak na iti Piddig District Hospital.
Iti follow up operation ti PNP, natiliw da ti suspek bayat nga adda iti kaaruba da a nagminatay.
Agtultuloy ti imbestigasyon kalpasan ti pasamak.
