LAOAG CITY – Nabagkong ti maysa a lalaki babaen iti pada na met laeng a lalaki a nakinoman na idiay ili ti Barangay Poblacion 2, Pagudpud, Ilocos Norte.
Nabigbig ti biktima a ni Anthony Caliwcaliw, agtawen ti 40, naasawaan, maysa a contruction worker idinto a ti suspek ket ni John Paul Curammeng y Cimatu alyas Epi, agtawen ti 21, awanan ti asawa ken residente iti nasao a barangay.
Namunganay ti pammagkong idi timpuar ti saan a panagkinnaawatan ti biktima ken suspek kabayatan ti panaggi-inom da iti pagtaengan ti agnagan ti Mrs. Marjorie Riyuga Tango iti met laeng nasao a lugar.
Gapo iti daytoy, nangirwar ti suspek ti kutsilyo ken dinarop na ti biktima ket ditoy a natamaan ti akin-kannigid nga ima, ulo ken abaga na.
Naitaray ti biktima iti Pagudpud Adventist and Wellness Center ti nasao a biktima idinto a ti suspek ket naglibas kalpasan ti insidente.
Nangiyuswat met ti manhunt operation dagiti kamkameng ti PNP-Pagudpud ngem agpapan maisursurat ti damag ken saan pay a natiliw ti nasao a suspek.
