LAOAG CITY – Addan iti natalged a kondisyon ngem nagtalinaed iti Mariano Marcos Memorial Hospital and Medical Center ti lalaki a biktima ti pammaltog idiay Barangay Alay iti ili ti Badoc.
Nabigbig tio biktima a ni Jomar Polandey y Fernandez, agtawen ti 32, construction worker, addaan ti live in partner ken residente iti nasao a barangay.
Gapo iti daytoy, nagsagaba ti tama ti paltog ti biktima iti nagduduma a paset ti bagi na ken dagus a naitaray iti ospital.
Rumrumwar a naggi-inom ti biktima ken dagti papagayam na ken idi napan immisbo ti biktima ket pinalto-paltogan dagiti saan pay nabigbig a suspek.
Nakarekobre dagiti otoridad ti lima a basyo ti 9MM a paltog kalpasan ti insidente.
Agpapan maisursurat ti damag ket saan pay a madeterminar dagiti otoridad no anya ti motibo ken agtultuloy ti imbestigasyon seknan iti napasamak a pammaltog.
