LAOAG CITY – Natay ti maysa a lalaki idiay ili ti Dingras kalpasan nga intumeg da.
Nabigbig ti bitikma a ni Jerry Valencia, agtawen iti 54, balo, maysa a mannalon ken residente iti Bgy. Sulquiano iti nadakamat nga ili.
Nabigbig met ti suspek a ni Jeric Paranes, agtawen iti 35, awanan asawa, maysa met la a mannalon ken residente iti nasao met la a barangay.
Segun iti imbestigasyon ti PNP Dingras, nagriri dagiti dua bayat nga agin-ninum da iti paglakuan iti barbaque ngem saan nga insigida a nasulbar.
Tinalawan ti biktima ti suspek ket nagturong iti balay ti agnagan iti Mario Baptista a kabarangayan da met laeng ngem maipagarup a sinurot ti suspek ti biktima ket idiay a maipagarup nga intumeg na ti ulo ti biktima iti semento.
Naitaray nga insigida ti biktima iti ospital ngem naideklara a “dead on arrival”.
Maisagsaganan ti kaso a maipila kontra iti nadakamat a suspek.
