LAOAG CITY – Natiliw ti agnagan ti Edward Guillermo y Gamayo, agtawen ti 27, residente ti Brgy. 7, Alejo Malasig iti ili ti Vintar, maysa a drug surrenderer ken adda iti drug watchlist ti PNP-Vintar.
Daytoy ket kalpasan ti naiyuswat a drug buy-bust operation iti nasao nga ili.
Nakumpiskar manipud iti suspek maysa a medium plastic sachet a naglaon ti maatap a shabu, maysa a bassit a plastic sachet a naglaon ti maipagarop a shabu ken sangaribo a pisos a marked money, cellphone ken dadduma pay a kagamitan na.
Ti nasao a suspek ket nagtalianed iti kustudiyar iti PNP-Vintar ken maisagsaganan ti kaso a mapila kontra kenkuana.
