LAOAG CITY – Kinumpirmaran ni Police Senior Inspector Eddie Suyat, chief of police ti PNP-Paoay a maysa a granada nga aglatlati ti nabirukan iti paset ti Barangay Nangguyudan iti nasao nga ili.
Segun kenni Suyat, nakita daytoy ni John Jetli Simana iti nasao met laeng a barangay bayat nga agmermeryenda da iti paset ti kamaisan.
Inlawlawag na a basar kenni Simana, nakakita ti galloon nga usaren na kuma a pagtugawan ken ditoy a nadiskubre na ti granada nga adda iti uneg ti galloon.
Gapo iti daytoy, dagus nga inreport ti lalaki kadagiti opisyal ti barangay ti nadiskubre na ken naipakaammo met kadagiti otoridad iti nasao nga ili.
Inbatad na nga idi naamoan da ket dagus da met nga inreport iti Explosive Ordnance Division iti INPPO.
Iti agdama ket adda iti kustudiyar ti EOD ti granada ken agdependar kadagiti maseknan no pabettaken da.
