LAOAG CITY – Natay ti maysa nga ama ken nasugatan ti asawa ken agtawen ti dua nga anak da kalpasan a naidungpar ti nagluganan da a tricycle iti kongreto a pavement iti ciudad ti Batac.
Daytoy ti kinumpirmaran Police Lt. Col. Adrian Gayuchan, ti chief of police ti Philippine National Police iti ciudad ti Batac.
Segun kenni Gayuchan, nakalugan iti tricycle dagiti biktima ken naggapo da iti Barangay Magnuang a nagatendar iti birthday party ken idi agawid dan ket saan na a nakita ti concrete pavement wenno ti nagikkatan ti poste ti street lights.
Gapo iti daytoy ket nagbaliktad ti tricycle ken nagsagaba ti sugat iti ulo ti driver a rason ti dagus a pannakatay na idinto a dagiti agina ken nasugatan.
Kunana nga iti panagimbestigar da, nakainom ti nasanger ti driver.
Naamoan nga adda met ti street lights ngem adayo ti nagbabaetan da dagitoy.
Mainaig iti daytoy, binalakadan ni Gayuchan ti publiko nga agannad bayat ti panagmaneho da tapno maliklik iti madi a mapasamak ken masapol nga adda ti disiplina iti bagbagi.
