LAOAG CITY – Nadesgrasya ti maysa nga architect kalpasan a napukawan ti kontrol iti imanmaneho na a Civic gapu ta maipagarup nga adda ti impluensya na ti nasanger partikular iti Paoay-Suba road ti Brgy. Bacsil iti ili ti Paoay.
Segun iti Paoay Municipal Police Station ti architect ket ni Sanford Sacayanan y Sadiri agtawen ti 34 ken residente iti Brgy. Puritac iti ili ti Pinili.
Basar iti imbestigasion, agpapaabagatan a direksion ti driver ti civic idinto a napukawan daytoy ti kontrol iti manibela.
Gapu iti daytoy, nadungpar na ti bridge barrier ken nag-overshoot daytoy iti sharp curve iti nadakamata a lugar rason a nagbaliktad daytoy iti sirok ti kawayan.
Mainaig iti daytoy, dagos a nagresponde iti Rural Health Unit iti ili ti Paoay gapu ta nagsagaba ti leftarm fracture ken head injury ti driver rason a naitaray daytoy iti Mariano Marcos Memorial Hospital and Medical Center para iti naan-anay a pannakatamingna.
Kabayatanna, addaan iti nasayaat a kasasaad ti biktima ken agtultuloy ti imbestigasion ti Paoay Municipal Police Station iti nasao nga insidente.
