LAOAG CITY – Maisayangkat ti Free Theoretical Driving Courses iti tallo nga ili ita a bulan ti Abril.
Segun ken ni Mr. Rene Pilar Dela Rosa, Chief ti Land Transportation Office ditoy siudad ti Laoag, maisayangkat ti Free Theoretical Driving Courses iti ili ti Burgos inton Abril 16 ken 17, iti ili ti Paoay inton Abril 23 ken 24 idinto nga iti ili ti Carasi ket inton Abril 28 ken 29.
Inbatadna a daytoy nga aktibidad ket mabalin nga aplikaran dagiti estudiante nga agtawen ti 16 agpangato, babai man wenno lalaki.
Inlawlawagna a dagiti agkalikagum a mang-avail iti daytoy ket agrehistro laeng babaen ti online.
Kunana a ti kada Free Theoretical Driving Course ket mangakomodarda ti 200 a makipaset iti daytoy.
Inpettengna a masapul nga agatendar ti maysa nga aplikante iti uneg ti 15 nga oras wenno iti uneg ti dua nga aldaw.
