LAOAG CITY – Inlawlawag ni Mikael Ryden, maysa a professor ti clinical ken experimental fat tissue research iti Karolinska Institute idiay Sweden, a napateg ti body fat iti bagi ti maysa nga indibidual.
Kunana nga adda ti dua a klase ti body fat, ti dietary fat no sadinno a daytoy ti fat a maipapauneg manipud iti taraon idinto a ti body fat ket ti natural a wagas ti panag-store ti energy a saan a kasapulan.
No agipauneg ti taraon, ti dietary fats, ti carbohydrates ken proteins iti taraon ket maiwaras iti babassit a building blocks iti bagi a mausar kas energy.
Agbalin a glucose ti carbohydrates, idinto a ti proteins ket agbalin bga amino acids ken ti fats ket agbalin a fatty acids.
Innayonna a no mangan ti nasursurok ngem ti calorie intake, ditoy a lumawa ti fats iti bagbagi.
