LAOAG CITY – Immapela ni Abdulnasser Espiritu, imam iti Muslim Compound ditoy ciudad ti Laoag kadagiti kristiyano ken kameng ti pulisya a saan a patpayen dagiti maiwarwaras a dagiti muslim ket terorista.
Inpasingked na a saan da a maaramid ti pumatay iti pada da a tao gapu ta daytoy ket naiget nga ipawil iti islam.
Mangnamnama ni Espiritu a maaddaan da ti napudno ken nasayaat a lider ditoy ciudad ti Laoag tapno agkaykaysa amin a muslim ket maliklikan dagiti aniaman a saan a nasayaat a pasamak kas ti panagpabettak ken dadduma pay.
Mensahe daytoy ni Espiritu iti eksklusibo nga interview kenkuana ti Bombo Radyo Laoag iti umuna nga aldaw a selebrasyon ti Eid’l adha.
