LAOAG CITY – Nagtalinaed iti kustudyar ti PNP Laoag ti maysa nga inhinyero kalpasan a tiniliw dagiti kameng ti PNP Laoag iti Brgy 26 ditoy siudad ti Laoag.
Nabigbig ti inhinyero a ni Alejandro Tabernero, agtawen ti 52, nawasaan, site engineer, ken residente ti nasao a lugar.
Inserbi dagiti kameng ti pulis ti warrant of arrest gapu ti kaso ni Tabernero nga estafa.
Nairekomenar ti 16 a ribo a pisos a pyansa para ti temporaryo a pannakawaya-waya na.
